சுவிஸ் நாட்டிற்கு நல்வரவு

அடிப்படை காப்பீடானது கட்டாயமானதாகும். மேலும் இது பல்வேறு மருத்துவ தேவைகளைப் பூர்த்தி செய்யும் ஒரு பாலிசி ஆகும். அடிப்படை காப்பீடு உடல் நலக்குறைவு, விபத்து, மகப்பேறு ஆகியவற்றின் செலவுகளை ஏற்றுக்கொள்ளும். 

அடிப்படை காப்பீடு மூலம் வழங்கப்படும் சேவைகள் அனைத்தும் எல்லா காப்பீடு கழகங்களிலும் ஒன்றாகவே இருக்கும். எனினும் காப்பீட்டுச் சந்தா ஒவ்வொரு காப்பீடு கழகத்திற்கும் மாறுபடும். மேலும் வசிக்கும் இடம், காப்பீடு செய்யப்படும் நபரின் வயது, மற்றும் தேர்வு செய்யப்படும் காப்பீடு திட்டம் மற்றும் கழிப்புத்தொகையைப் பொருத்து மாறும். சூரிச், பெர்ன், கென்ப்ஃ போன்ற பெருநகரங்களில் காப்பீட்டுச் சந்தா கிராமப்புறங்கள் அல்லது சிறுநகரங்களை விட அதிகமாக இருக்கும்.

காப்பீடு திட்டங்கள்

நீங்கள் அடிப்படை காப்பீட்டினை வாங்கும் பொழுது உங்களுக்கு உகந்த ஒரு திட்டத்தை நீங்கள் தேர்ந்தெடுக்கலாம். நீங்கள் தேர்ந்தெடுக்கும் திட்டத்தினை.

• பாரம்பரியமான திட்டம்: உங்களுக்கு நம்பகமான மருத்துவரை நீங்களே தேர்வு செய்யலாம், மற்றும் நேரடியாக மருத்துவ நிபுணர்களை அணுகலாம்.
• குடும்ப மருத்துவரை அணுகும் திட்டம்:உங்கள் குடும்ப மருத்துவரையோ அல்லது பல மருத்துவர்கள் சேர்ந்து நடத்தும் கிளினிக்கை அணுகலாம்.
• தொலைபேசி வாயிலாக மருத்துவ சேவை:நீங்கள் எப்பொழுதும் முதலில் Medi24-யை பயன்படுத்த வேண்டும் - தொலைபேசி அல்லது சேட் மூலம்.
• கலவைத் திட்டம்: குடும்ப மருத்துவர் அல்லது தொலைபேசிமூலம் மருத்துவ சேவை உங்களுக்கு முழு சுதந்திரம் உள்ளது: குடும்ப மருத்துவர் அல்லது Medi 24 தொலைபேசி மருத்துவ சேவையைப் பயன்படுத்தலாம். 

* எங்களுடைய வலைத்தளம் ஜெர்மன், பிரெஞ்சு மற்றும் இத்தாலிய மொழிகளில் மட்டுமே உள்ளது. பிற மொழிகளுக்கு உங்கள் பிரௌசரில் உள்ள மொழிபெயர்ப்பு செயலியினை பயன்படுத்தவும்

கூடுதல் காப்பீடானது தன்னிச்சையானது. மேலும் அடிப்படை காப்பீட்டின் கீழ் வராத கூடுதல் சேவைகளை இதன் மூலமாக நீங்கள் பெறலாம்.  எனினும் ஒவ்வொரு காப்பீடு கழகத்திலும் தரக்கூடிய சேவைகள் மாறுபடும். பெரும்பாலும் கீழே காணப்படும் சேவைகள் கூடுதல் காப்பீட்டின் கீழ் வரும். உள்நாட்டில் அல்லது வெளிநாட்டில் மருத்துவமனையில் தங்குவதற்கான செலவுகள், மருத்துவ வல்லுனர்களிடம் பெறப்படும் சிகிச்சைகள், மாற்று மருத்துவம், முன்னெச்சரிக்கையாக செய்யப்படும் பரிசோதனைகள், பல்வரிசை சீர் படுத்துதல் மற்றும் தடுப்பூசிகள்

கூடுதல் காப்பீடு திட்டத்தின் கீழ் நாங்கள் அளிக்கும் சேவைகள்

• புற நோயாளி சேவைகள்: மூக்கு கண்ணாடி மற்றும் காண்டாக்ட் லென்ஸ்களின் செலவுகள், உடற்பயிற்சி அல்லது உடல் நல சேவைகளுக்கான செலவுகள், மருத்துவமனை-வீட்டின் இடையே போக்குவரத்து செலவுகள் மற்றும் அவசர உதவி செலவுகள், நோயைக் கண்டறிய மற்றும் முன்னெச்சரிக்கையாக செய்யப்படும் பரிசோதனைகள் மற்றும் கூடுதல் மருந்துகள்.
• மாற்று மருத்துவ சேவைகள்: மாற்று மருத்துவ முறையிலான சிகிச்சைகள் மற்றும் மாற்று மருத்துவ மருந்துகள்
• மருத்துவமனை: மருத்துவமனையில் அதிக வசதி மற்றும் தனிப்பட்ட இடம். சுவிஸ் நாட்டில் எந்த மருத்துவமனையை வேண்டுமானாலும் தேர்ந்தெடுக்கலாம். ஒருவர் அல்லது இருவர் தங்க கூடிய அறை, தேர்ந்தெடுக்கப்பட்ட சிகிச்சைத் துறையினைப் பொருத்து மருத்துவரைத் தேர்வு செய்தல், உடல்நிலை தேறுவதற்கான ஆரோக்கிய மையங்கள் மற்றும் மகப்பேருக்கு பின் பிள்ளையுடன் ஒரே அறையில் தங்குதல் (Rooming-In) போன்ற கூடுதல் காப்பீடு சேவைகளையும் பெறலாம்.
• அடிப்படை: கூடுதல் காப்பீடு சேவைகளான Ambulant II, Komplementär II மற்றும் உங்கள் விருப்பப்படியான ஒரு மருத்துவமனை கூடுதல் காப்பீடு.

எங்களுடைய அடிப்படை காப்பீடுகளான Ambulant, Spital மற்றும் Komplementär ஆகியவற்றைத் தவிர உங்களுடைய பல் ஆரோக்கியத்தை அல்லது உடல் நலமின்மை மற்றும் விபத்தின் காரணமாக ஏற்படும் பணத்தட்டுப்பாட்டிலிருந்து வேறு சில குறிப்பிட்ட கூடுதல் காப்பீடுகள் காக்கும்.

* எங்களுடைய வலைத்தளம் ஜெர்மன், பிரெஞ்சு மற்றும் இத்தாலிய மொழிகளில் மட்டுமே உள்ளது. பிற மொழிகளுக்கு உங்கள் பிரௌசரில் உள்ள மொழிபெயர்ப்பு செயலியினை பயன்படுத்தவும்

மருத்துவ காப்பீட்டு திட்டத்திற்கு நீங்கள் கண்டிப்பாக சந்தா செலுத்த வேண்டும். அடிப்படை காப்பீட்டுச் சந்தாவின் அளவு நீங்கள் வசிக்கும் இடம், உங்கள் வயது, நீங்கள் தேர்ந்தெடுக்கும் காப்பீட்டு திட்டம், மற்றும் கழிப்புத்தொகையை பொருத்து மாறும். கழிப்புத்தொகையானது வருடம் தோறும் நீங்கள் அடிப்படை காப்பீட்டிற்கு உங்கள் பங்காக செலுத்த வேண்டிய தொகை. பெரியவர்கள் அவர்களின் கழிப்புத்தொகையை விருப்பப்படி தேர்ந்தெடுக்கலாம். இது CHF 300.-லிருந்து CHF 2500.- வரை மாறும். சிறு பிள்ளைகளும் இளம்பருவத்தினரும் 18 வயது வரை கழிப்புத்தொகை எதுவும் செலுத்தாமல் அல்லது அதிகப்பட்சம் CHF 600.- வரை செலுத்தி காப்பீடு பெறலாம். காப்பீடு செய்பவர் கழிப்புத்தொகையை முதலில் செலுத்திய பின் மீதமுள்ள தொகையைக் காப்பீட்டுக் கழகம் ஈடு செய்யும்.

கழிப்புத்தொகை முழுவதுமாக முடிந்து விட்டால், மேற்படி ஏற்படும் செலவுகளை காப்பீட்டுக் கழகம் ஏற்றுக் கொள்ளும். நீங்கள் அத்தொகையில் சட்டப்படி நிர்ணயிக்கப்பட்ட உங்கள் சுய பங்களிப்பை மட்டும் கட்ட வேண்டி இருக்கும்.

• பெரியவர்கள்: 10% சுய பங்களிப்பு அதிகபட்சம் CHF 700.- 
• சிறுவர்கள்: 10% சுய பங்களிப்பு CHF 350.- வரை

* எங்களுடைய வலைத்தளம் ஜெர்மன், பிரெஞ்சு மற்றும் இத்தாலிய மொழிகளில் மட்டுமே உள்ளது. பிற மொழிகளுக்கு உங்கள் பிரௌசரில் உள்ள மொழிபெயர்ப்பு செயலியினை பயன்படுத்தவும்

நீங்கள் பணியில் உள்ளவரானால், வாரத்திற்கு 8 மணி நேரங்களுக்கு மேல் வேலை செய்கிறீர்கள் என்றால் உங்களுக்கு நீங்கள் பணிபுரியும் நிறுவனத்தின் மூலமாக விபத்துக்கான காப்பீடு பெறப்பட்டிருக்கும். இந்த காப்பீட்டு திட்டத்தில் தரப்படும் சேவைகள் அனைத்தும் விபத்து காப்பீட்டுச் சட்டத்தின்படி (UVG) உள்ளவைகளாகும். எனவே மருத்துவ காப்பீடு வாங்கும்போது நீங்கள் விபத்து காப்பீட்டினை வாங்காமல் தவிர்த்து செலவை மிச்சப்படுத்தலாம். மேலும் மிகவும் குறைந்த வருமானம் உள்ளவர்களுக்கு அவர்களின் மருத்துவ காப்பீட்டுச் சந்தாவிற்கு மானியம் வழங்கப்படுகிறது. இந்த மானியத்திற்கு சந்தா குறைப்பு என்று பெயர்.

ஒருவேளை நீங்கள் சுயதொழில் புரிபவராக இருந்தாலோ அல்லது பணியில் இல்லை, அல்லது வாரத்திற்கு 8 மணி நேரத்திற்கு குறைவாக ஒரு நிறுவனத்தில் வேலை செய்கிறீர்கள் என்றாலோ உங்களுக்கு விபத்து காப்பீடு கிடைக்காது. எனவே நீங்கள் கூடுதலாக விபத்து காப்பீட்டினையும் வாங்க வேண்டும்.

வீட்டு உபயோகப் பொருட்கள் காப்பீடு

உபயோகப் பொருட்கள் காப்பீடு உங்களுடைய உடைமைகள் அனைத்தையும் நெருப்பு அல்லது இயற்கை சீற்றங்கள் மற்றும் திருட்டு அல்லது தண்ணீரினால் ஏற்படக்கூடிய சேதம், கண்ணாடி உடைதல் ஆகியவற்றிலிருந்து பாதுகாக்கிறது. மரப்பொருட்கள், உடைகள், காலணிகள், தொலைக்காட்சி பெட்டி, கணினி, அலைபேசி, உடற்பயிற்சி உபகரணங்கள் மற்றும் வளர்ப்பு பிராணிகள் ஆகிய அனைத்திற்கும் காப்பீடு அளிக்கப்படும்.

தனிநபர் பொறுப்புக் காப்பீடு

நடைபயிற்சி செல்லும் போது ஜாகிங் செல்பவரை உங்கள் நாய் கடித்து விட்டது அல்லது நீங்கள் வண்டியை பார்க் செய்யும் பொழுது வேறு ஒரு வண்டியின் மீது மோதி விட்டீர்கள். எங்களுடைய தனிநபர் பொறுப்புக் காப்பீடு நீங்கள் ஒரு மூன்றாவது நபரின் உடமை அல்லது உடலுக்கு பாதிப்பு ஏற்படுத்தி விட்டீர்கள் எனில் உங்களை பண நஷ்டத்தில் இருந்து காப்பாற்றும்.

நீங்கள் இதை தெரிந்து கொள்ளுங்கள்(Gut zu wissen): தனி நபர் பொறுப்புக் காப்பீடு கட்டாயமான ஒன்று அல்ல. எனினும் நீங்கள் ஒரு வீட்டை வாடகைக்கு எடுத்தீர்கள் எனில் வீட்டின் உரிமையாளர் இந்த காப்பீட்டினை நீங்கள் வாங்க வேண்டும் என்று எதிர்பார்ப்பார். மேலும் ஒரு சில காண்டோண்களில் நாய் வைத்திருப்பவர்கள் கண்டிப்பாக தனி பொறுப்புக் காப்பீடு வைத்திருக்க வேண்டும் என விதிமுறை உள்ளது.

கட்டிட காப்பீடு

எங்களுடைய கட்டிட காப்பீடு உங்களுடைய ஒன்று முதல் மூன்று குடியிருப்புகளை கொண்ட தனி வீடு அல்லது அடுக்குமாடி குடியிருப்பு ஆகியவற்றிற்கு நெருப்பு மற்றும் இயற்கை சீற்றம், வெள்ளம் அல்லது தண்ணீர் ஆகியவற்றினால் ஏற்படும் சேதங்கள் மற்றும் கண்ணாடி உடைதல் போன்றவற்றிற்கு காப்பீடு அளிக்கிறது.

சட்டப் பாதுகாப்பு காப்பீடு

ங்கள் குடியிருக்கும் வீட்டின் சொந்தக்காரருடன் மோதல் அல்லது சாலை விபத்து, உங்கள் பக்கம் எந்த தவறும் இல்லை என்றாலும் கூட மிகவும் நாள்பட்ட, உங்கள் செல்வத்தை கரைக்கக்கூடிய சட்டப் பிரச்சனைகளில் முடியலாம். விசானாவின் சட்டப்பாதுகாப்பு காப்பீடு உங்களுக்கு வக்கீல் அல்லது நீதிமன்ற செலவுகள் மேலும் நிபுணர்களுக்கான செலவுகள் அல்லது வல்லுநர்களின் அறிக்கை செலவுகள் அல்லது தீர்ப்பின்படி செலுத்த வேண்டிய இழப்பீட்டுத் தொகை ஆகியவற்றை ஈடு செய்யும்.

இதைத் தெரிந்து கொள்வது நல்லது: மருத்துவர்களுடன் அல்லது சமூக மற்றும் தனியார் காப்பீடு கழகங்களுடன் உங்களுக்கு எதுவும் வாக்குவாதங்கள் ஏற்பட்டால் விசானாவில் அடிப்படை காப்பீடு வைத்துள்ள அனைவருக்கும் எங்களுடைய உடல்நல சட்டப் பாதுகாப்பு கட்டணமின்றி கிடைக்கும்.

* எங்களுடைய வலைத்தளம் ஜெர்மன், பிரெஞ்சு மற்றும் இத்தாலிய மொழிகளில் மட்டுமே உள்ளது. பிற மொழிகளுக்கு உங்கள் பிரௌசரில் உள்ள மொழிபெயர்ப்பு செயலியினை பயன்படுத்தவும்

மோட்டார் வாகன காப்பீடு

காலம் தாமதித்து பிரேக் அடித்தீர்களா? அல்லது வாகனங்களை நிறுத்தும் இடத்தில் கம்பங்களை கவனிக்காமல் மோதி விட்டீர்களா? விசானாவின் மோட்டார் வாகன காப்பீடு பல்வேறு விதமான சேதங்களுக்கு எதிராகக் காப்பீடு உத்திரவாதம் அளிக்கிறது. உதாரணமாக விபத்து நடந்த பின் ஏற்படும் செலவுகள் மற்றும் வாகனத்தின் டயர் பஞ்சரானால் ஏற்படக்கூடிய செலவுகள் போன்றவை.

பயணக் காப்பீடு

நீங்கள் எங்கே பயணம் செய்தாலும் எங்களுடைய வேக்கன்சா (Vacanza) பயணக் காப்பீட்டின் மூலமாக வெளிநாடுகளில் பிரச்சனையில்லாமல் தங்கலாம். எங்களுடைய 24-மணி நேர உடனடி உதவி சேவை, பயணம் இரத்தானால் ஏற்படும் நஷ்டத்திற்கு எதிரான காப்பீடு, உலகில் எங்கு வேண்டுமனாலும் மருத்துவமனையில் தங்குதலுக்கான செலவுகளை ஏற்றுக் கொள்ளுதல் ஆகியவற்றின் மூலமாக நீங்கள் நோய், விபத்து மற்றும் பிற சூழ்நிலைகளிம் பாதுகாக்கப்படுகிறீர்கள்.

* எங்களுடைய வலைத்தளம் ஜெர்மன், பிரெஞ்சு மற்றும் இத்தாலிய மொழிகளில் மட்டுமே உள்ளது. பிற மொழிகளுக்கு உங்கள் பிரௌசரில் உள்ள மொழிபெயர்ப்பு செயலியினை பயன்படுத்தவும்

ஓய்வூதியம்

3a-கணக்கின் மூலமாக உங்கள் ஓய்வூதியத்தை சேமித்து வரியினை குறைக்கலாம். விசானாவின் ஓய்வூதிய திட்டத்தின் மூலமாக நீங்கள் உங்கள் வருங்காலத்திற்காக சேமிக்கலாம். மேலும் இதன் மூலமாக உங்கள் வரிப்பணத்தில் வருடத்திற்கு CHF 7,056 சேமிக்கலாம். ஒரு வேளை நீங்கள் சுய தொழில் செய்பவராக இருந்தால் இத்தொகைக்கு மேலேயும் சேமிக்கலாம்.

என்டோன்மென்ட் காப்பீட்டு திட்டம்

எங்களுடைய எண்டோமென்ட் காப்பீட்டு திட்டம் உங்களையும் உங்கள் குடும்பத்தினையும் உடல் நலமின்மை அல்லது விபத்தின் காரணமாக ஏற்படக்கூடிய பணத்தட்டுப்பாட்டிலிருந்து பாதுகாக்கிறது. நாங்கள் இந்த எண்டோமென்ட் காப்பீட்டு திட்டத்தினை எதிர்பாராமல் ஏற்படக்கூடிய பணத்தட்டுப்பாட்டினை தவிர்ப்பதற்காக சிறுபிள்ளைகளுக்கும், இளவயதினருக்கும், கல்லூரி மாணவ மாணவிகளுக்கும், பணியில் இல்லாதவர்களுக்கும், சுயதொழில் புரிபவர்களுக்கும், பணியில் உள்ளவர்களுக்கும் பரிந்துரை செய்கிறோம்.

தினசரி செலவுத்தொகை காப்பீடு

தினசரி செலவுத்தொகை காப்பீடு: எங்களுடைய தினசரி செலவுத்தொகை காப்பீட்டின் மூலமாக நீங்கள் உங்களை விபத்து, நோய், அல்லது மகப்பேறு காரணமாக வேலை செய்ய இயலாத போது ஏற்படக்கூடிய பணத்தட்டுப்பாட்டிலிருந்து பாதுகாத்துக் கொள்ளலாம்.

* எங்களுடைய வலைத்தளம் ஜெர்மன், பிரெஞ்சு மற்றும் இத்தாலிய மொழிகளில் மட்டுமே உள்ளது. பிற மொழிகளுக்கு உங்கள் பிரௌசரில் உள்ள மொழிபெயர்ப்பு செயலியினை பயன்படுத்தவும்